சுடும் நிலவு

அறுவை சிகிச்சை அறை பார்த்து

அறை கூவல் எழுப்பும்

அருகாமையின் மத்தியிலும்

நம்பிக்கை சுடர் கொள்ளும் மங்கை...

கொண்டவனை காப்பாற்ற

கையேந்தும் நிலையிலும் - தன்
மாங்கல்யம் காக்க

மானம் காக்கும் நங்கை

வளைவுகளின் கிடுக்குகளில்

எங்கிருந்தோ கசிந்து

கொண்டிருக்கும் தண்ணீராக - இவள்

கவலையுடன் சிந்தும் கண்ணீர்...

ஏங்கும் விழிகளுடன்
தண் நிலவு கண்டு

வானம் பார்த்தாலும்

இவளுக்கு மட்டும் - அது

சுடும் நிலவாய்....